ಕುಮಟಾ: ಪಶ್ವಿಮ ಶಿಕ್ಷಕರ ಮತಕ್ಷೇತ್ರದ ವಿಧಾನಪರಿಷತ್ ಅಭ್ಯರ್ಥಿ ಬಸವರಾಜ್ ಹೊರಟ್ಟಿಯವರ ಪರ ಕುಮಟಾ ವಿಧಾನ ಸಭಾ ಕ್ಷೇತ್ರದ ಬಿಜೆಪಿಯ ಮುಖಂಡರಾದ ನಾಗರಾಜ ನಾಯಕ ತೊರ್ಕೆ ಅವರ ನೇತೃತ್ವದಲ್ಲಿ ಬಿರುಸಿನ ಪ್ರಚಾರ ನಡೆಯಿತು. ತಾಲೂಕಿನ ಹೆಗಡೆ ಶಾಂತಿಕಾಂಬ ಹೈಸ್ಕೂಲ್, ಅಘನಾಶಿನಿ ಹೈಸ್ಕೂಲ್, ಬಾಡದ ಜನತಾ ವಿಧ್ಯಾಲಯ, ಪದವಿ ಪೂರ್ವ ಕಾಲೇಜು ಹಾಗೂ ಕಾಗಲ್ ಹೈಸ್ಕೂಲ್‌ಗೆ ತೆರಳಿ ಬಿಜೆಪಿಯ ಅಭ್ಯರ್ಥಿ ಹೊರಟ್ಟಿಯ ಪರ ಬಿರುಸಿನ ಪ್ರಚಾರ ನಡೆಸಿದರು.
ನಂತರ ಮಾತನಾಡಿದ ಅವರು ಹೊರಟ್ಟಿಯವರು ಶಿಕ್ಷಕರ ಸಮಸ್ಯೆಗಳಿಗೆ ಧ್ವನಿಯಾಗಿ ೪೨ ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದಾರೆ, ಈ ಭಾರಿಯು ಸಹ ಎಲ್ಲಾ ಶಿಕ್ಷಕ ಮತದಾರರು ಹೊರಟ್ಟಿಯವರನ್ನು ಅತಿ ಹೆಚ್ಚು ಮತಗಳ ಅಂತರದಲ್ಲಿ ಗೆಲ್ಲಿಸುವಂತೆ ಕರೆ ನೀಡಿದರು.
ಈ ಸಂಧರ್ಭಧಲ್ಲಿ ಬಿಜೆಪಿಯ ಮಂಡಲಾಧ್ಯಕ್ಷ ಹೆಮಂತ ಕುಮಾರ ಗಾಂವ್ಕರ್, ಎಂ.ಜಿ.ಭಟ್, ವಿನೋಧ ಪ್ರಭು, ಬಿ.ಡಿ ಪಟಗಾರ, ಲಕ್ಷಣ ಪಟಗಾರ, ಚಿನ್ಮಯ ಸೇರಿದಂತೆ ಇತರಿದ್ದರು.
