ರಸ್ತೆಯಲ್ಲಿ ಸಿಕ್ಕಿದ ಪರ್ಸ ಪೋಲಿಸ್ ಠಾಣೆಗೆ ಮರಳಿಸಿ ಪ್ರಾಮಾಣಿಕತೆ ಮೆರೆದ ಯುವಕ

ಹೊನ್ನಾವರ: ತಾಲೂಕಿನ ಹಳದೀಪುರ ಸಾಲಿಕೇರಿ ಬಳಿ ರಸ್ತೆ ಮಧ್ಯೆ ಮಹಿಳೆಯೋರ್ವರ ಬ್ಯಾಗ ದೊರೆತಾಗ  ನೇರವಾಗಿ ಹೊನ್ನಾವರ ಪೋಲಿಸ್ ಠಾಣೆಗೆ ಆಗಮಿಸಿ ಸಂಭಂದಿಸಿದವರಿಗೆ ನೀಡಿದ ಘಟನೆ ನಡೆದಿದೆ. ಶಿರಸಿ ವತ್ಸಲ ಸುಬ್ಬಯ್ಯ ನಾಯ್ಕ ಎನ್ನುವವರು ಕಾರಿನಲ್ಲಿ ಆಗಮಿಸುವಾಗ ಹಿಂಬದಿ ಕುಳಿತಿದ್ದ ಇವರ ಮಗನು ಕಾರಿನಿಂದ ಬ್ಯಾಗ ಎಸೆದಿದ್ದರು. 

ಈ ವಿಷಯ ಇವರ ಗಮನಕ್ಕೆ ಬಂದಿರಲಿಲ್ಲ. ಆದೆ ಮಾರ್ಗದಲ್ಲಿ ತೆರಳುತಿದ್ದ ಮೂಲತಃ ತಾಲೂಕಿನ ಚಿಕ್ಕನಕೋಡ ಗ್ರಾ.ಪಂ  ಹಿರೆಬೈಲ್ ನಿವಾಸಿ ಪ್ರಮೋದ ಜಯಂತ ನಾಯ್ಕ ಇವರು ಬ್ಯಾಗ ಗಮನಿಸಿದರು. ಬ್ಯಾಗ ಒಳಗಡೆ ಹಣ, ಎ.ಟಿ.ಎಂ ಮೊಬೈಲ್ ಇರುವುದನ್ನು ಗಮನಿಸಿ ನೇರವಾಗಿ ಹೊನ್ನಾವರ ಪೋಲಿಸ್ ಠಾಣೆಗೆ ಆಗಮಿಸಿದ್ದರು. ಪಿ.ಎಸೈ ಸಾವಿತರಿ ನಾಯಕ ಇವರ ಬಳಿ ವಿಷಯ ಗಮನಕ್ಕೆ ತಂದಾಗ ಸಂಭದಿಸಿದ ಮಹಿಳೆಯನ್ನು ಠಾಣೆಗೆ ಕರೆಯಿಸಿ ಬ್ಯಾಗನ್ನು ಹಸ್ತಾಂತರಿಸಿದರು.  ಪ್ರಮೋದ ನಾಯ್ಕ ಇವರ ಪ್ರಾಮಾಣಿಕತೆಗೆ ಸಾರ್ವಜನಿಕರು ಹಾಗೂ ಇಲಾಖೆಯ ಸಿಬ್ಬಂದಿಗಳು ಅಭಿನಂದಿಸಿದ್ದಾರೆ.