ಕುಮಟಾ: ತಾಲ್ಲೂಕಿನಲ್ಲಿ ಭಾನುವಾರದ ಲಾಕ್ ಡೌನ್ ಗೆ ಅಂಗಡಿಕಾರರಿಂದ ಹಾಗೂ ಸಾರ್ವಜನಿಕರಿಂದ ಉತ್ತಮ ಬೆಂಬಲ ವ್ಯಕ್ತವಾಗಿದೆ. ಔಷಧಿ ಅಂಗಡಿ ಹಾಗೂ ಪೆಟ್ರೋಲ್ ಬಂಕ್ ಹೊರತಾಗಿ ಉಳಿದೆಲ್ಲಾ ವಹಿವಾಟುಗಳು ಸ್ಥಗಿತಗೊಂಡಿತು.
ಪಟ್ಟಣ ಸೇರಿದಂತೆ ಮಿರ್ಜಾನ, ಹೆಗಡೆ, ಕೂಜಳ್ಳಿ , ಬಡಾಳ ಕತಗಾಲ, ಅಘನಾಶಿನಿ, ಧಾರೇಶ್ವರ ಭಾಗಗಳಲ್ಲಿ ಅಂಗಡಿ ಮುಂಗಟ್ಟುಗಳು ಮುಚ್ಚಿದ್ದವು. ಪೊಲೀಸ್ ಇಲಾಖೆಯು ಭಾರೀ ಮಳೆಯ ನಡುವೆಯೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿರುವುದು ಕಂಡು ಬಂತು. ಸಿಪಿಐ ಪರಮೇಶ್ವರ ಗುನಗಾ ಹಾಗೂ ಪಿಎಸ್ಸೈ ಆನಂದಮೂರ್ತಿ ಅವರು ಪಟ್ಟಣದೆಲ್ಲೆಡೆ ಕಣ್ಗಾವಲು ಇಟ್ಟಿದ್ದರು.
ಕೆಲವರು ಅನಗತ್ಯ ಪೇಟೆ ಸುತ್ತಾಟ:
ಕೋವಿಡ್-೧೯ ನಿಯಂತ್ರಣಕ್ಕಾಗಿ ರಾಜ್ಯದೆಲ್ಲೆಡೆ ಭಾನುವಾರ ಸಂಪೂರ್ಣ ಲಾಕ್ ಡೌನ್ ಗೆ ಕರೆ ಕೊಡಲಾಗಿತ್ತು. ಶೇ. ೯೮ ಮಂದಿ ಸಫಲವಾದರೂ ಕೆಲವು ವಿಶೇಷ ಕಾಳಜಿಯುಳ್ಳವರು ಲಾಕ್ ಡೌನ್ ಹೇಗಾಗಿದೆಯೆಂದು ನೋಡಲು ಬಂದಿದ್ದರು. ಅಂಥವರಿಗೆ ವಿವಿಧ ಸರ್ಕಲ್ ಗಳಲ್ಲಿ ಪೊಲೀಸ್ ಸಿಬ್ಬಂದಿ ತಡೆದು ಬಿಸಿ ಮುಟ್ಟಿಸಿದ ಘಟನೆ ನಡೆಯಿತು.
